نئی دہلی: 24 /اپریل(ایس اونیوز /آئی این ایس انڈیا) دہلی پولیس نے روہت شیکھر تیواری کی بیوی اور وکیل اپوروا کو ان کے قتل کے الزام میں بدھ کو گرفتار کر لیا۔پولیس کے ایک سینئر افسر نے بتایا کہ ان کی ازدواجی زندگی کشیدہ تھی۔پوسٹ مارٹم رپورٹ کے مطابق روہت شیکھر کی 15 اور 16 اپریل کی درمیانی شب کو مبینہ طور پر گلا دبا کر قتل کر دیا گیا تھا۔روہت روانہ سینئر لیڈر این ڈی تیواری کے بیٹے تھے۔ایڈیشنل کمشنرراجیورنجن نے بتایا کہ واقعہ کی رات دونوں کے درمیان ایک رشتہ دار کو لے کر جھگڑا ہوا تھا۔کافی نشے میں ہونے کی وجہ سے روہت مخالفت کرنے کی حالت میں نہیں تھے۔جھگڑے کے دوران بیوی نے روہت کا گلا گھونٹ دیا۔اہلکار کے مطابق دونوں ازدواجی زندگی خوشگوار نہیں تھی اور اکثر ان کی لڑائی ہوتی تھی۔رنجن نے کہا کہ اپوروا نے قبول کر لیا ہے۔اب تک کے حقائق اور حالات سے ایسا لگتا ہے کہ قتل کا کوئی منصوبہ نہیں تھی۔وہاں پس منظر پہلے ہی تھی اور ان کی شادی ٹھیک نہیں چل رہی تھی۔روہت شیکھر اور ان کا خاندان الگ ہونے کے بارے میں سوچ رہے تھے۔پوچھ گچھ کے بعد یہ پایا گیا کہ اپوروا شکلاتیواری اورروہت کا ازدواجی زندگی کشیدہ چل رہی تھی۔اپوروا سپریم کورٹ میں وکالت کرتی ہیں۔اپوروا سے اس معاملے میں گزشتہ اتوار سے پوچھ گچھ کی جا رہی تھی۔